Mér fannst vanta aggression. Við vorum að reyna að halda aðeins meira í boltann en það er eins og það hafi tapast aggression við það. Fyrsta markið var bara brandari, boltinn sveif inn í teig og enginn sem fer út í hann og það eru rosaleg vonbrigði sagði svekktur Hermann Hreiðarsson þjálfari ÍBV eftir 4 - 0 tap gegn Stjörnunni í dag.
Lestu um leikinn: Stjarnan 4 - 0 ÍBV
Mér finnst 4 - 0 enga veginn gefa raunhæfa mynd af leiknum. Ekki tilfinningin sem maður hafði. Mér leið ágætlega framan af og við byrjuym seinni hálfleikinn af ágætis krafti. Þannig að annað markið er bara rothöggið.
Hvernig sástu atvikið þegar Eiður Aron fær rautt spjald og víti dæmt?
Ég sá það ekki þannig að ég veit ekki hvað var að gerast. Þannig að ég get engan veginn dæmt um það.
Fannst þér þínir menn missa hausinn, mikið af spjöldum og fyrirliðinn rekinn útaf?
Ég skil pirringinn, þeir (Stjörnumenn) eru að koma seint í varnarmenn þegar þeir eru búnir að skila boltanum, fara í Elvis og Eið og það er ekkert dæmt og ekkert gert í því. Saman safnaður pirringur og þegar þú ert kominn undir líka. En það er hægt að græja þetta aðeins betur finnst mér af hálfu dómarans. Þetta er bara gult spjald ef þú ætlar að skilja smá eftir þegar menn eru búnir að losa boltann og ná að fá þennan pirring í sig.
Nánar er rætt við Hermann í sjónvarpinu hér að ofan
