Ég er mjög ánægður, stórt fyrir okkur og margt rosalega jákvætt og frábært að halda hreinu í fyrsta sinn í sumar og töluvert fleira fólk sem ég átti von á. Frábært að geta gefið þeim eitthvað til að vera ánægt með líka, fólkið okkar sem er búið að styðja okkur rosalega vel í öllum leikjunum þrátt fyrir dapurt gengi sagði kampakátur Jökull Elísabetarson þjálfari Stjörnunnar eftir góðan 4 - 0 sigur á ÍBV í hans fyrsta leik sem aðalþjálfari.
Lestu um leikinn: Stjarnan 4 - 0 ÍBV
Já við sáum ákefð frá fyrstu mínútu og héldum því út leikinn og fannst við gera það vel og eftir því sem leið á leikinn vildum við bara meira og slökuðum ekkert á.
Mér fannst ÍBV ógna lítið þegar við vorum í shape-inu okkar og okkur leið vel þó svo þeir væru með boltann í fyrri hálfleik en þegar staðan er eitt núll að þá getur allt gerst.
Það var fjórum sinnum dæmt rangstæða á Stjörnunni í leiknum. Hvað finnst þér um það?
Ég er ekki búinn að sjá þetta. Ég er alveg spenntur að sjá hversu margt var rétt og hvort eitthvað hefði átt að standa en skiptir engu máli. Mér fannst við geta unnið 5 - 0 og þá vill maður vinna 5 - 0.
Nánar er rætt við Jökul í sjónvarpinu hér að ofan.