„Það er þvílík eftirvænting komin í alla og þetta verður bara geggjað," segir Arnar Gunnlaugsson, þjálfari Víkings. Pepsi Max-deild karla fer af stað í kvöld en Víkingar eiga sinn fyrsta leik á mánudaginn þegar þeir taka á móti Fjölni.

Víkingar töpuðu 1-0 fyrir KR síðasta sunnudag í Meistarakeppni KSÍ.

„Æfingaleikirnir á undan fannst mér meira snúast um að menn myndu sleppa heilir, ekki meiðast. Það er eðlilegt enda hafa menn ekki verið í fótbolta í lengri tíma. Leikurinn gegn KR var hörkuleikur og mikið um tæklingar og læti enda titill í boði. Það var gott að fá alvöru leik."

Arnari lýst vel á tímabilið framundan hjá Víkingum.

„Ungu strákarnir okkar eru orðnir árinu eldri og gömlu mennirnir okkar vilja njóta þess að spila eins lengi og þeir geta. Blandan okkar er mjög sterk og við ætlum að vera með í baráttunni um að berjast um titilinn."

Býst hann við því að bæta við hópinn?

„Ég býst ekki við því en augun eru alltaf opin. Ég er mjög ánægður með hópinn eins og er."