Lærisveinar Óla Stefáns í Grindavík áttu fá svör við leik Valsmanna í kvöld og steinlágu 0-4, frammistaðan hlýtur að hafa verið þjálfaranum vonbrigði.
"Þetta var erfitt, Valsarar á sínum degi og við ekki og þá verður maður bara að taka lexíuna. Við erum ekki með eins gott lið og Valur það vitum við fyrir en þegar við erum á okkar degi og gerum okkar hluti vel þá getum við allavega gert þeim þetta erfitt fyrir."
"Þetta var erfitt, Valsarar á sínum degi og við ekki og þá verður maður bara að taka lexíuna. Við erum ekki með eins gott lið og Valur það vitum við fyrir en þegar við erum á okkar degi og gerum okkar hluti vel þá getum við allavega gert þeim þetta erfitt fyrir."
Lestu um leikinn: Valur 4 - 0 Grindavík
Gestirnir komu óvanalega linir til leiks í fyrri hálfleik, nokkuð sem við eigum ekki að venjast af þeim.
"Það er hárrétt, ég var pínulitið svekktur hvað við bognuðum undan góðri pressu Valsara, við eigum ekki að bogna. Þeir voru að koma úr verkefni að utan og við ætluðum að setja aðeins á þá en það var bara öfugt."
Grindavík fengu færi í 2-0 stöðu sem hefði getað breytt leiknum.
"Algerlega, við ræddum það í hálfleik að þetta væri búið, staðan 2-0 og við yrðum að setja næsta mark, mér fannst við á köflum líta vel út en fengum á okkur barnaleg mörk sem er ekki i okkar stíl."
Eru Grindavík kannski að slaka eilítið á í ljósi þess að kannski er að litlu að keppa.
"Alls ekki, við erum alltaf að njóta, þetta er svo gaman. Við erum í deild þeirra bestu og í slag við FH og KR um Evrópusæti. Af hverju ættum við að panikka þó upp komi slæmur dagur hérna, við bara höldum áfram."
Næsta verkefni er annað stórlið, Stjarnan. Hvernig leggur Óli það upp?
"Ég elska að spila við Stjörnuna og við hlökkum til að fá þá í vindinn í Grindavík og ef ég þekki strákana rétt þá bretta þeir upp ermar og svara fyrir sig á sunnudaginn."
Nánar er rætt við Óla í viðtalinu sem fylgir.
Athugasemdir
