Mjög skrítinn leikur, við höfðum orð á því þjálfararnir í hálfleik að þetta var ansi í takt við samfélagið útaf faraldri eða einhverju, ég veit það ekki. Þetta var mjög sérstakur leikur, sagði Kristján eftir leikinn gegn Val í kvöld.
Lestu um leikinn: Stjarnan 0 - 3 Valur
Alltaf þannig að verjast sem lið en alls ekki að falla í skotgrafir eða neitt slíkt heldur reyna að ýta á þær og reyna að halda boltanum þegar við unnum hann. Það gekk svona stundum og stundum ekki. Það var einhver deyfð yfir þessu, fórum aldrei í gang, létum ekkert finna fyrir okkur, lítill talandi. Það var einhvernveginn eins og við værum að detta í landsleikjahlé og smá hvíld, sagði Kristján.
Stjörnuliðið hefur spilað þrjá leiki á síðustu átta dögum gegn þremur efstu liðum deildarinnar.
Þetta var frábært próf fyrir okkur að spila við þessi þrjú bestu liðin á átta dögum. Mér fannst liðið koma mjög vel út úr því að fá að reyna okkur við bestu fótbolta konur landsins og það var frábært og bara byggir bara liðið upp. Nú förum við inn í viku þar sem við höfum gaman, leikur og spil og bara fínt.
Framundan er landsleikjahlé og sagði Kristján að liðið myndi nýta fríið í skemmtilegar æfingar, reit, spil og skotæfingar.
Viðtalið við Kristján má sjá í fullri lengd í spilaranum hér að ofan.
Athugasemdir
