Meistaradeild kvenna er í fullu fjöri þessa dagana þar sem riðlakeppnin er hálfnuð. Það voru fjórir leikir á dagskrá í kvöld og er tveimur fyrstu lokið.
Sveindís Jane Jónsdóttir var þar í byrjunarliðinu hjá Wolfsburg sem vann fimm marka útisigur gegn Galatasaray.
Sveindís spilaði fyrsta klukkutímann og var skipt af velli í stöðunni 0-1, skömmu fyrir markaflóð Wolfsburg þar sem Rebecka Blomqvist skoraði þrennu.
Wolfsburg er því komið með þrjú stig eftir þrjár umferðir í riðlakeppninni en Galatasaray er án stiga. Liðin eru í dauðariðli ásamt Lyon og Roma.
Amanda Jacobsen Andradóttir spilaði þá í 83 mínútur í liði Twente á útivelli gegn Real Madrid. Heimakonur í Madríd skópu þægilegan sjö marka stórsigur.
Twente er komið með þrjú stig eftir þrjár umferðir og ólíklegt að hollenska liðið komist upp úr B-riðli.
Galatasaray 0 - 5 Wolfsburg
0-1 M. Wedemeyer ('24)
0-2 Rebecka Blomqvist ('63)
0-3 Rebecka Blomqvist ('77)
0-4 Rebecka Blomqvist ('96)
0-5 V. Endemann ('97)
Real Madrid 7 - 0 Twente
1-0 S. Bruun ('3)
2-0 M. Mendez ('16)
3-0 N. Feller ('50)
4-0 C. Weir ('55)
5-0 M. Mendez ('63)
6-0 O. Hernandez ('65)
7-0 C. Camacho ('92)
Athugasemdir
