Zinedine Zidane, stjóri Real Madrid, segist ekki hafa áhyggjur af serbneska landsliðsmanninum Luka Jovic.

Jovic kom frá Eintracht Frankfurt í sumar en hefur ekki náð að stimpla sig inn í Madrídarliðið. Hann hefur aðeins skorað eitt mark í tólf leikjum.

„Það er rétt að hann hefur ekki spilað mikið það sem af er tímabili. Hann er leikmaður sem þarf að spila mikið til að spila vel," segir Zidane.

„Það er ekkert vandamál með hann. Hann þarf bara að halda áfram að leggja mikið á sig. Sem stendur er það mitt vandamál að finna pláss fyrir hann en hann verður að vera klár þegar þörf er á."

„Vonandi fær hann meiri leiktíma á komandi vikum."

Real Madrid á leik gegn Valencia um helgina og mætir svo Barcelona í El Clasico í næstu viku. Barcelona og Real Madrid eru jöfn að stigum á toppi La Liga.

Tweet

Senda a Facebook Hafdu samband Senda frétt Prenta frétt Frétta leit