,,Þetta var hörkuleikur og við lendum 2-0 undir. Mér fannst vera karakter í liðinu að komast yfir fyrir hálfleikinn," sagði Helena Ólafsdóttir þjálfari Vals eftir að liðið vann 5-3 sigur á FH í kvöld.
,,Svo var þetta barátta eins og við vissum. Við vorum minnugar þess að þær unnu Breiðablik. Það er ekkert gefið í þessari deild og við verðum öll að fara að læra það."
FH komst í 2-0 í fyrri hálfleik en hvernig varð Helenu um þegar það gerðist?
,,Mér leið bara illa en við brugðumst við því og breyttum aðeins. Mér fannst stelpurnar sýna karakter. Það sat í okkur framlengdur bikarleikur frá því á þriðjudaginn og það er eðlilegt að við vorum ekki alveg komnar upp á tær. Svo kom þetta og við gerðum það sem þurfti."
Nánar er rætt við Helenu í sjónvarpinu hér að ofan.
Athugasemdir
