Valsarar þurfa að spila í Albaníu þrátt fyrir líflátshótanir

Valur þarf að fara til Albaníu og spila á heimavelli Vllaznia í 1. umferð forkeppninnar í Sambandsdeildinni þrátt fyrir að stjórnarmenn Vals hafi fengið líflátshótanir frá stjórnarmönnum albanska félagsins og stuðningsmenn gestaliðsins hafi látið öllum illum látum á Hlíðarenda síðastliðið fimmtudagskvöld.

Flösku var m.a. kastað í dómara leiksins, öryggisvörður var laminn og hrækt á dómarana þegar þeir gengu til búningsherbergja í leikslok.

jörundur Áki Sveinsson, starfandi framkvæmdastjóri KSÍ, staðfesti í samtali við 433.is í dag að málið væri á borði UEFA en að engin ákvörðun um refsingu myndi liggja fyrir áður en leikurinn fer fram á fimmtudag.