Hann verður að öllum líkindum lánaður út áður en janúarglugginn lokar og var hann næstum genginn í raðir Bordeaux á dögunum. Franska félagið hætti við lánssamninginn þegar Palace heimtaði hálfa milljón punda í greiðslu.

Bordeaux er að leita sér að sóknarmanni og hefur snúið sér að öðrum leikmönnum. Áhugi á Benteke er enn til staðar í frönsku deildinni og þá hefur Aston Villa einnig verið orðað við hann.

Benteke gekk til liðs við Aston Villa sumarið 2012 og sló í gegn. Hann var keyptur til Liverpool þremur árum síðar en hefur ekki tekist að halda uppi sömu markaskorun og áður.

Benteke gerði 42 mörk í 89 deildarleikjum með Villa og hefur skorað 15 sinnum í 37 landsleikjum. Tölfræði hans hjá Palace er þó hörmung, þar sem hann gefur gert 19 mörk í 97 úrvalsdeildarleikjum.