Fótbolti.net

Gylfi sáttur með sigurinn: „Þessi seinni hálfleikur var mjög langur"

Jói hrósaði nýliðunum: Þær tóku fyrri hálfleikinn bara í nefið

Einar Guðna: Vindurinn tók boltann bara til baka

Anton Ingi pirraður: Við verðum að hafa kassann út í 90 mínútur

Matti Guðmunds svekktur: Lögðum líf og sál í þetta en fótboltinn er brútal

Margrét Brynja orðlaus: Gáfum allt í þetta og getum gengið stoltar af velli

Hrafnhildur Ása: Búin að bíða eftir stærra hlutverki og mitt að grípa það

Jón Óli: Þurfum að finna einhvern til að nudda á henni rassgatið

Alli Jói: Markmiðið er að berjast um hærra á töflunni

Linta hefur ekki áhyggjur - „Ekki í mínum höndum"

Valdimar færði KA ró - „Hefði viljað sjá okkur vera aðeins stærri"

Grímsi ósáttur með spilamennskuna - „Ætlum að halda okkur í topp sex"

Óskar Smári: Súrt tap og eigum hálfklárað verkefni fyrir norðan

Guðni eftir útisigur: „Algjört skólabókadæmi um að nýta breidd“

Guðný: Held það hafi enginn gert ráð fyrir þessu

Venni: Þurfum að hreiðra um okkur á toppnum

Elfar Árni: Viljum ekki hafa einhvern sem vill ekki vera hérna

Gunnar Heiðar talar um barnaleg mistök - „Verðum að gera betur í meistaraflokki"

Badu fann fyrir létti - „Ég á ekki að bregðast svona við"

Nenad: Er kominn með afsökun til að bekkja allt liðið

mið 16. júní 2021 17:30

Hafliði Breiðfjörð

Sævar Atli bestur í fyrsta þriðjung - Lið hefðu getað ruglað í mér

Sævar Atli með Bose Quiet Comfort heyranatappana sem Origo gaf honum fyrir að vera bestur í fyrsta þriðjung.

Mynd: Fótbolti.net - Hafliði Breiðfjörð

Fyrir leikinn gegn Stjörnunni

Mynd: Fótbolti.net - Hafliði Breiðfjörð

„Ég bjóst ekki við þessu fyrir mót að ég myndi vera talinn með frábærum leikmönnum, Brynjari, Hallgrími Mar og Kára Árnasyni," sagði Sævar Atli Magnússon leikmaður Leiknis sem lesendur Fótbolta.net kusu leikmann fyrsta þriðjungs í Pepsi Max-deildinni.

Kosningin - 5041 atkvæði:
Sævar Atli (Leiknir) - 29,16%
Brynjar Ingi (KA) - 27,79%
Kári Árnason (Víkingur) - 23,31%
Hallgrímur Mar (KA) - 19,74%

Sævar Atli fékk gjöf frá Origo fyrir útnefninguna, Bose Quiet Comfort Earbuds, sem eru þráðlausir noise cancelling heyrnartappar.

Hann hefur alla sína tíð verið hjá Leikni en spilar nú fyrsta tímabil sitt í efstu deild.

„Tempóið í deildinni getur verið virkilega mikið og leikirnir eru hraðir sem er eitthvað sem ég bjóst ekki við. Gæði leikmanna eru mjög mikil," sagði hann en Leiknir hefur komið á óvart í sumar, er í 7. sæti með 8 stig eftir 8 leiki.

„Það kom örugglega mörgum á óvart en ekki okkur. Við bjuggumst við að vera spáð falli en erum með marga gæða leikmenn og okkur hefur gengið vel. Það er samt svekkjandi að vera ekki með fleiri stig því við misstum niður leiki gegn Stjörnunni og Breiðablik og Valsleikurinn er mjög svekkjandi líka."

Viðtalið við Sævar Atla má sjá í heild sinni í spilaranum að ofan.

Hann samdi við Breiðablik fyrir tímabilið en klárar árið hjá Leikni og ræddi það í viðtalinu.

„Það hefur ekki haft nein áhrif, ég hef alltaf verið í Leikni og þekki ekki neitt annað. Besta lendingin var að klára þetta fyrir mót og vera ekki með lausan samning. Þá gætu lið farið að tala við mig og rugla í mér. Þetta var góð niðurstaða og hefur ekki haft nein áhrif á mig ennþá."

Sjáðu viðtalið í heild sinni í spilaranum að ofan