Downes verður afar mikilvæg viðbót við leikmannahóp nýliðanna enda var hann í lykilhlutverki á láni hjá félaginu á síðustu leiktíð, þar sem hann fyllti í skarðið fyrir James Ward-Prowse sem var seldur til West Ham.

Downes er 25 ára gamall og átti þrjú ár eftir af samningi við West Ham, en það var ekki pláss fyrir hann í leikmannahópinum.

Hann spilaði 35 leiki með West Ham tímabilið 2022-23, þar af 21 í úrvalsdeildinni, og er metinn á tæplega 10 milljónir punda.

Þetta verður annað tímabil Downes í ensku úrvalsdeildinni.

Southampton hefur verið duglegt að bæta við sig leikmönnum í sumar og er Downes sá sjöundi sem kemur inn í glugganum.