Hallgrímur Jónasson
„Alltaf gaman að koma í Keflavík, gott veður og völlurinn fínn. Ég er mjög ánæður með frammistöðuna,við vinnum, skorum fjögur mörk og hefðum getað sett fleiri þannig að við erum virkilega ánægðir með góða frammistöðu á móti spræku Keflavíkurliði,“
sagði Hallgrímur Jónasson aðstoðarþjálfari KA eftir 4-1 sigur KA á Keflavík suður með sjó fyrr í kvöld.
sagði Hallgrímur Jónasson aðstoðarþjálfari KA eftir 4-1 sigur KA á Keflavík suður með sjó fyrr í kvöld.
Lestu um leikinn: Keflavík 1 - 4 KA
KA hefur eftir leikinn 10 stig og deilir toppsætinu með alls þremur öðrum liðum. KA gerði alls 12 jafntefli á síðasta leiktímabili og hefur jafnað sigrafjölda sinn í 18 leikjum í fyrra í fyrstu 4 þetta árið. Hver er helsti munurinn á liðinu að mati Hadda?
„Það er margt sem gerist í fyrra, verða þjálfarskipti og fleira en mér sýnist við bara vera búnir að skapa lið fyrir norðan. Þetta er orðið svona allir að vinna fyrir hvorn annan, allir með sín hlutverk á hreinu. Við höfum vitað síðustu ár að við höfum gæði fram á við en hefur kannski vantað aðeins að vinna saman sem alvöru lið.“
Næsti leikur KA er næstkomandi föstudag þar sem liðið tekur á móti Víkingum sem líkt og KA er með 10 stig við topp deildarinnar. Leikurinn fer að öllum líkindum fram á Dalvík sem er líklega ekki vant að hýsa toppslag í Pepsi Max deildinni.
„Já það er bara hörkuleikur. Víkingarnir líta mjög vel út en það gekk síðast vel á Dalvík þannig að ég held að það sé bara fín niðurstaða að við förum þangað og spilum góðan leik. “
Sagði Haddi en allt viðtalið má sjá hér að ofan.
