Fabrizio Romano greinir frá því að Roberto De Zerbi sé efstur á lista hjá Brighton yfir arftaka Graham Potter og að viðræður við félagið gangi vel.
Brighton hefur sett viðræður við De Zerbi í forgang þar sem þjálfarinn ræðir við stjórnendur um framtíðarstefnu félagsins.
De Zerbi stýrði síðast Shakhtar Donetsk í stríðshrjáðri Úkraínu en fyrir það gerði hann góða hluti með Benevento og Sassuolo.
Brighton hefur sérstaklega áhuga á þjálfaranum því hann leggur mikið traust á unga leikmenn og lætur liðin sín spila skemmtilegan fótbolta.
Potter gerði frábæra hluti með Brighton og verður erfitt að fylla í skarð hans. Chelsea rak Thomas Tuchel úr starfi og réði Potter til sín í staðinn.
Athugasemdir
