Newcastle 1 - 4 Manchester United
1-0 Luke Shaw(sjálfsmark, 2')
1-1 Harry Maguire('23)
1-2 Bruno Fernandes('86)
1-3 Aaron Wan-Bissaka('90)
1-4 Marcus Rashford('95)
1-0 Luke Shaw(sjálfsmark, 2')
1-1 Harry Maguire('23)
1-2 Bruno Fernandes('86)
1-3 Aaron Wan-Bissaka('90)
1-4 Marcus Rashford('95)
Manchester United nældi í þrjú mikilvæg stig í ensku úrvalsdeildinni í kvöld er liðið spilaði við Newcastle á St. James' Park í Newcastle.
Lokaleikur kvöldsins á Englandi var ansi fjörugur og byrjaði ballið á annarri mínútu er Luke Shaw varð fyrir því óláni að skora sjálfsmark.
Shaw reyndi að hreinsa boltann eftir fyrirgjöf en hitti knöttinn illa og fór hann í netið framhjá David de Gea sem stóð á milli stanganna.
Harry Maguire var næstur á blað fyrir gestina frá Manchester en á 23. mínútu tókst honum að skalla knöttinn í netið eftir hornspyrnu Juan Mata.
Staðan 1-1 í hálfleik en svo á 58. mínútu fékk Man Utd kjörið tækifæri til að komast yfir þegar Bruno Fernandes steig á vítapunktinn. Brotið hafði verið á Marcus Rashford innan teigs.
Fernandes hefur hingað til verið mjög öruggur á punktinum en Karl Darlow varði frá honum í þetta sinn og staðan enn jöfn.
Fernandes tókst hins vegar að bæta upp fyrir þetta vítaklúður á 86. mínútu er hann komst einn gegn Darlow í þröngu færi og setti boltann í netið af stakri snilld.
Það var Rashford sem átti stoðsendinguna á Fernandes sem smellhitti boltann og endaði hann í vinklinum.
Aaron Wan-Bissaka skoraði svo sitt fyrsta aðalliðsmark á lokamínútu venjulegs leiktíma er hann þrumaði knettinum í þaknetið eftir góða sókn.
Lokaspyrna leiksins var síðar frábært mark Rashford eftir góða skyndisókn og bætti hann við fjórða marki leiksins.
Fleiri mörk voru ekki skoruð í kvöld og var Man Utd að vinna sinn annan deildarsigur á tímabilinu og er með sex stig í 15. sætinu. Newcastle er með sjö í 11. sæti.
Athugasemdir