Argentínski kantmaðurinn Alejandro Garnacho var verðlaunaður á The Best verðlaunaafhendingu FIFA fyrir að hafa skorað flottasta mark síðustu leiktíðar.
Garnacho skoraði markið í 3-0 sigri gegn Everton í ensku úrvalsdeildinni í nóvember 2023.
Diogo Dalot gaf fyrirgjöf í sigrinum góða sem virtist vera slæm en reyndist svo fullkomin fyrir Garnacho sem var enn táningur á þeim tíma.
Garnacho virtist ekki ætla að ná til boltans í fyrstu en hann var snöggur að bregðast við og náði að skora með svo gott sem fullkominni bakfallsspyrnu.
Þetta er í fimmta sinn sem mark úr ensku úrvalsdeildinni hlýtur Puskás verðlaunin eftir að þeim var fyrst úthlutað árið 2009. Þetta er í annað sinn sem Everton verður fyrir barðinu á Puskás-marki.
Athugasemdir
