Þessa stundina eigast við Aston Villa og Arsenal í ensku úrvalsdeildinni og voru heimamenn ekki lengi að komast yfir.
Arsenal hefur verið að gefa eftir í síðustu leikjum en liðið missti toppsætið í hendur Manchester City í miðri viku.
Leikurinn í dag byrjaði ekki vel fyrir Skytturnar en Unai Emery, stjóri Aston Villa, er þarna að mæta sínu fyrrum félagi.
Strax á fimmtu mínútu leiksins fór boltinn í netið og var það Ollie Watkins sem skoraði snyrtilegt mark.
Matty Cash vann þá boltann af Oleksandr Zinchenko og átti fína sendingu á Watkins. Sóknarmaðurinn rölti þá framhjá William Saliba áður en hann þrumaði knettinum í fjærhornið.
Um tíu mínútum síðar jafnaði Bukayo Saka metin með smekklegu skoti eftir að Tyrone Mings skallaði knöttinn út í teiginn. Staðan er því 1-1 þegar þetta er skrifað.
Sjáðu markið hjá Watkins hér.
Sjáðu markið hjá Saka hér.
