Úr leik Breiðablik og Fylkis.
Arnar Sveinn Geirsson, forseti Leikmannasamtaka Íslands, skaut á sitt gamla félag, Breiðablik, í hlaðvarpsþættinum Dr Football á miðvikudagskvöld.
Það var umræða tekin um Blika eftir tap þeirra gegn Val. Blikar spiluðu vel í leiknum en þeir nýttu ekki sín færi og enduðu á því að tapa 3-1.
„Þetta er Tottenham Íslands," sagði Arnar Sveinn þegar rætt var um Blika sem hefur gengið hörmulega í þessum stóru leikjum.
„Óskar virðist alltaf einhvern veginn finna leið til að koma ekki með sterkasta liðið sitt, finnst mér. Er það til að búa til einhverja minni pressu á sig þegar kemur að því að hann tapar þessum leikjum? Hefur hann enga trú á því að hann vinni þessa leiki?" spurði Arnar og bætti við:
„Ég ætla ekki að taka það af Blikaliðinu að þeir voru frábærir sem fótboltalið inn á vellinum en það skilar engu á stigatöfluna. Það er vandinn. Ég veit að Völsurunum finnst hundleiðinlegt að horfa á þennan Heimisbolta en þeir fá stig á töfluna."
Sjá einnig:
Vantar Blika óþolandi leikmenn? - „Ótrúlega bitlaust"
Hannes Þór Halldórsson sá til þess að stigin 3 urðu eftir í Hlíðunum.https://t.co/wsyk7ZxHW0
— Dr. Football Podcast (@drfootballpod) June 16, 2021
Athugasemdir
