Brynjar Björn þjálfari HK.
„Ég bjóst við allt öðruvísi leik og við vorum búnir að undirbúa okkur vel fyrir leikinn. Við fórum yfir okkar möguleika á vellinum og það gekk eftir. Fyrstu tvö mörkin og jafnvel það þriðja líka komu uppúr því," sagði Brynjar Björn Gunnarsson þjálfari HK eftir 4-1 sigur sinna manna gegn Þór í toppbaráttuslag í 17. umferð Inkasso-deildarinnar.
Lestu um leikinn: HK 4 - 1 Þór
„Þetta var gríðarlega vel spilað hjá okkur og við skiluðum hrikalega góðu dagsverki í dag."
Brynjar Jónasson og Zeiko Lewis skoruðu báðir tvö mörk í leiknum. Seinna mark Zeiko Lewis var í vandaðri kantinum en leikmaðurinn er á láni frá FH.
„Við vonuðumst eftir og vissum að Zeiko Lewis myndi gefa okkur aðeins öðruvísi faktor með sínum hraða og hann er tæknilega mjög góður og hann sýndi það í dag að hann er góður leikmaður."
HK mætir ÍA í næstu umferð en Skaginn er á toppi deildarinnar með stigi meira en HK. Toppsætið er því í húfi í þeim leik.
„Þetta verður skemmtilegra og skemmtilegra með hverjum leiknum. Við mætum þar galvaskir en að sama tíma berum við virðingu fyrir þeirra liði .Þeir hafa staðið sig vel í sumar en við förum í alla leiki til að vinna þá. "
En verður spilað í Kórnum í Pepsi-deildinni næsta sumar?
„Við verðum að tryggja okkur sæti í deildinni fyrst. Síðan er einhver ákvörðun þar sem einhver þarf að taka," sagði Brynjar Björn að lokum.
Viðtalið í heild sinni má sjá í sjónvarpinu hér að ofan.
Athugasemdir
