Rodgers: Félagið hefur gert öllum ljóst að hann er ekki til sölu

Wesley Fofana er einn af þeim leikmönnum sem hefur verið orðaður í burtu frá Leicester.

„Hann er ennþá leikmaður Leicester. Ég hef sagt nokkrum sinnum að hann er ekki til sölu. Félagið hefur gert öllum ljóst að hann er ekki til sölu og ef það verður engin breyting á því þá býst ég við því að hann verði áfram."

„Við höfum auðvitað rætt saman, það eru auðvitað einkasamtöl og ég myndi ekki ræða þau opinberlega. Okkar samskipti eru hefðbundin og við höldum áfram að undirbúa okkur fyrir leiki. Þetta er áskorun fyrir alla leikmenn og félög þegar glugginn er opinn. Það er mikið um vangaveltur. Sérstaklega fyrir ungan leikmann, 21 árs gamlan, allar vangavelturnar sem eru í gangi varðandi hans framtíð."

„Allir stjórar væru til í að hafa styrkt hópinn sinn. Ég er ekki öðruvísi en aðrir stjórar. En ef það er ekki hægt þá segir reynslan mér að við verðum að einbeita okkur að því sem við höfum. Við erum með nokkra stórkostlega leikmenn hér," sagði Rodgers.

Youri Tielemans og James Maddison hafa einnig verið orðaðir í burtu en minna hefur verið fjallað um þá á undanförnu á meðan Chelsea reynir að krækja í miðvörðinn Fofana. Allir þrír hafa byrjað báða leiki Leicester til þessa á tímabilinu.

Sjá einnig:
Fofana búinn að gera munnlegt samkomulag við Chelsea