Augnablik vann Víking í fyrri leik kvöldsins í Lengjudeild kvenna, leikurinn endaði með 1-3 útisigri.

Athygli vekur að í byrjunarliði Augnabliks eru elstu leikmenn liðsins fæddir árið 2002 og sú yngsta árið 2006 (Margrét Brynja Kristinsdóttir), á fjórtánda aldursári. Birta Birgisdóttir kom Augnabliki yfir á 12. mínútu en Nadía Atladóttir jafnaði metin á 15. mínútu.

Það voru svo þær Hildur María Jónasdóttir og Ísafold Þórhallsdóttir sem skoruðu lokamörk leiksins fyrir Augnablik. Meðalaldur byrjunarliðs Augnabliks var 17,2 ár í leiknum.