Ólafur Ingi og Lúðvík Gunnarsson.
Lúðvík Gunnarsson stýrir U21 árs landsliðinu í komandi leik gegn Lúxemborg í undankeppni EM 2027. Ekki hefur verið ráðið í þjálfarastarfið til frambúðar eftir að Ólafur Ingi Skúlason hætti þjálfun á liðinu og tók við Breiðabliki. Lúðvík var aðstoðarmaður Ólafs.
Jörundur Áki Sveinsson er yfirmaður fótboltamála hjá KSÍ og var hann spurður út í stöðuna á þjálfaraleitinni.
Jörundur Áki Sveinsson er yfirmaður fótboltamála hjá KSÍ og var hann spurður út í stöðuna á þjálfaraleitinni.
„Það er svo sem enginn tímarammi á þjálfaraleitinni, við förum inn í þennan landsleikjaglugga núna og svo munum við skoða þau mál þegar honum lýkur," segir Jörundur.
„Það er verið að skoða þetta frá öllum hliðum. Næsta verkefni er svo á nýju svo við höfum góðan tíma. Við sem komum að þessari ákvörðun munum setjast niður eftir landsleikjagluggann."
Leikurinn gegn Lúxemborg fer fram í Lúxemborg eftir viku.
Landslið karla - U21 - Undankeppni EM
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Frakkland | 4 | 3 | 1 | 0 | 14 - 2 | +12 | 10 |
| 2. Færeyjar | 6 | 3 | 0 | 3 | 6 - 12 | -6 | 9 |
| 3. Sviss | 5 | 2 | 2 | 1 | 7 - 4 | +3 | 8 |
| 4. Ísland | 5 | 2 | 2 | 1 | 7 - 5 | +2 | 8 |
| 5. Lúxemborg | 5 | 1 | 1 | 3 | 6 - 9 | -3 | 4 |
| 6. Eistland | 5 | 0 | 2 | 3 | 5 - 13 | -8 | 2 |
Athugasemdir
