Bose mótið: Breiðablik lagði Stjörnuna í opnunarleiknum

Bose mótið hófst í dag með grannaslag Breiðabliks og Stjörnunnar.

Ágúst Eðvald Hlynsson kom Blikum yfir strax á fyrstu mínútu leiksins og Jason Daði Svanþórsson bætti öðru markinu við áður en flautað var til hálfleiks.

Það var síðan Viktor Karl Einarsson sem gulltryggði sigur Blika þegar hann skoraði þriðja mark liðsins.

Þetta var fyrsti leikur Stjörnunnar á nýju tímabili en Blikar hafa verið á fullu allt árið enda Sambandsdeildin í fullum gangi. Breiðablik mætir KR næsta föstudag og mætir síðan Maccabi Tel Aviv á Laugardalsvelli þann 30. nóvember.

Næsti leikur Stjörnunnar er gegn KR laugardaginn 9. desember.