Albert er á bekknum hjá Fiorentina
Glasner gerir ellefu breytingar á liði Palace
Lokaumferðin í deildarkeppni Sambandsdeildar Evrópu fer fram klukkan 20:00 en ensku bikarmeistararnir í Crystal Palace mæta KuPS frá Finnlandi og þá er Albert Guðmundsson í hópnum hjá Fiorentina sem spilar við Lausanne Sport.
Albert er á bekknum hjá Fiorentina gegn Lausanne. Fiorentina á möguleika á að komast beint í 16-liða úrslit keppninnar en það þarf sigur og treysta á úrslit úr öðrum leikjum.
Byrjunarlið Fiorentina gegn Lausanne: Martinelli; Pongracic, Pablo Marí, Viti; Kouadio, Richardson, Nicolussi Caviglia, Sohm, Kouamé; Dzeko, Piccoli.
Kjartan Már Kjartansson er ekki í hópnum hjá Aberdeen sem mætir Spörtu Prag.
Crystal Palace tekur á móti KuPS frá Finnlandi en Oliver Glasner, stjóri Palace, er með marga lykilmenn á bekknum. Hann tók ákvörðun um að skipta út öllu liðinu frá síðasta deildarleik.
Byrjunarlið Palace: Benítez, Canvot, Lerma, King, Benamar, Rodney, Devenny, Sosa, Drake-Thomas, Esse, Uche.
Guðmundur Þórarinsson byrjar hjá Noah gegn Dynamo Kiev, en armenska liðið er komið með annan fótinn í umspilið. Það er í 17. sæti með 8 stig.
Logi Tómasson byrjar hjá Samsunspor sem heimsækir Mainz. Ef Samsunspor hefur sigur gegn Mainz mun liðið fara beint í 16-liða úrslit.
Athugasemdir
