Hólmfríður Magnúsdóttir var partur af liði Selfoss sem lagði Þrótt R. að velli í ótrúlega fjörugum leik.

Lokatölur urðu 3-4 fyrir Selfoss en bæði lið fengu gríðarlegt magn færa. Selfoss er á toppi Pepsi Max-deildarinnar með tólf stig eftir fjórar umferðir.

„Það eina sem skiptir máli er að við kláruðum þennan leik. Þetta er algjör karakter í þessu liði, þetta er í annað skipti sem við komum til baka og vinnum leik. Ég er mjög ánægð með allt liðið," sagði Fríða að leikslokum.

„Við erum að finna þvílíka liðsheild sem var kannski ekki jafn mikið til staðar í fyrra. Það er gleði í öllum augum hérna og við erum tilbúnar til að gera allt fyrir hvora aðra."

Hólmfríður verður 37 ára í september. Henni líður eins og hún sé að komast í gang eftir fjórar fyrstu umferðirnar en viðurkennir að það sé erfitt að halda í við ungu stelpurnar.

„Ég þurfti ekki marga daga til að koma mér í leikform og mér finnst þetta vera að koma núna í fjórða leik. Ég viðurkenni alveg að fyrstu leikirnir hafa verið erfiðir. Það er erfitt að koma sér í spilform en þetta er allt að koma."

Tweet

Senda a Facebook Hafdu samband Senda frétt Prenta frétt Frétta leit