Það er von á yfirlýsingu frá enska úrvalsdeildarfélaginu Manchester United á næstu dögum en þar verða þeir Steve McClaren og Mitchell van der Gaag kynntir inn í þjálfarateymi liðsins.
Man Utd gekk frá ráðningu á nýjum stjóra í síðasta mánuði er Erik ten Hag var kynntur en hann tekur við keflinu af Ralf Rangnick á næstu dögum.
Ten Hag var skýr með það hverjir myndu koma inn í teymið en hann vildi fá Van der Gaag, aðstoðarmann hans hjá AJax og McClaren.
United var í fyrstu ekki reiðubúið að gefa grænt ljós á McClaren en nú er ljóst að hann kemur inn í teymið.
McClaren var aðstoðarmaður Sir Alex Ferguson hjá United frá 1999 til 2001 áður en hann tók við Middlesbrough.
Fabrizio Romano segir á Twitter að United sendi frá sér yfirlýsingu á næstu dögum og kynni þá tvo inn í teymið.
…and official statement soon for Mitchell van der Gaag and Steve McClaren as part of Manchester United coaching staff, confirmed. 🔴🏃🏽 #MUFC
— Fabrizio Romano (@FabrizioRomano) May 18, 2022
Erik ten Hag wanted both of them and so the club completed the agreement as expected. ⤵️ https://t.co/f2LCyiYtnT
Athugasemdir