Rosenior tók við starfinu í fyrra eftir að leiðir Strasbourg skildu við Patrick Vieira.
Frá leiknum í gær.
Liam Rosenior, þjálfari Strasbourg, var ánægður með frammistöðu liðsins er liðið lagði Breiðablik af velli í lokaumferð Sambandsdeildarinnar í gærkvöldi.
Leikar enduðu 3-1 en þeir frönsku komust snemma yfir. Höskuldur Gunnlaugsson jafnaði metin undir lok fyrri hálfleiks og var staðan jöfn þar til á 80. mínútu þegar Strasbourg tók forystu á ný.
Stuðningsmenn Strasbourg voru ósáttir við að liðið væri að gera jafntefli við Breiðablik og baulaði á liðið í hálfleik og í síðari hálfleik. Rosenior var svekktur með stuðningsmenn og lét í sér heyra á blaðamannafundi eftir leik.
Leikar enduðu 3-1 en þeir frönsku komust snemma yfir. Höskuldur Gunnlaugsson jafnaði metin undir lok fyrri hálfleiks og var staðan jöfn þar til á 80. mínútu þegar Strasbourg tók forystu á ný.
Stuðningsmenn Strasbourg voru ósáttir við að liðið væri að gera jafntefli við Breiðablik og baulaði á liðið í hálfleik og í síðari hálfleik. Rosenior var svekktur með stuðningsmenn og lét í sér heyra á blaðamannafundi eftir leik.
Lestu um leikinn: Strasbourg 3 - 1 Breiðablik
„Ég varð fyrir miklum vonbrigðum, virkilega miklum vonbrigðum, þegar ég heyrði baul í garð liðsins í hálfleik. Ég er hér til að verja leikmennina mína og ég elska þennan hóp.
Við þurfum að vera raunsæir. Á síðasta tímabili enduðum við í sjöunda sæti. Í dag erum við enn í sjöunda sæti í deildinni og við vorum að vinna deildina í Sambandsdeildinni með yngsta lið Evrópu.
Að liðið mitt eigi skilið baul þegar leikmenn leggja sig alla fram í hverjum einasta leik, óháð nýlegum úrslitum í deildinni, er afar svekkjandi. Stundum finnst mér eins og sumir njóti þess að sjá okkur mistakast og það er ósanngjarnt gagnvart þessum unga leikmannahópi.“
Athugasemdir
