Jóhann Berg Guðmundsson var á sínum stað í byrjunarliði Al-Orubah sem tapaði 1-0 á útivelli gegn Al-Fateh í fallbaráttu efstu deildar í Sádi-Arabíu.
Al-Fateh vippaði sér upp úr botnsætinu með þessum sigri og er núna í næstneðsta sæti deildarinnar, með 16 stig eftir 21 umferð. Þetta var annar sigur liðsins í röð en Jóhann Berg og félagar í liði Al-Orubah eru aðeins fjórum stigum fyrir ofan.
Cristian Tello var ásamt Jóa Berg í byrjunarliði Al-Orubah og þá var Kurt Zouma ónotaður varamaður, en hann er að snúa aftur eftir meiðsli.
Al-Feiha og Al-Khaleej gerðu þá markalaust jafntefli þar sem Chris Smalling og Konstantinos Fortounis mættust í spennandi slag áður en Al-Raed sigraði á útivelli gegn Al-Riyadh.
Al-Fateh 1 - 0 Al-Orubah
Al-Feiha 0 - 0 Al-Khaleej
Al-Riyadh 1 - 3 Al-Raed
Athugasemdir
