Þýskaland: Bayern í stuði í Berlín - Botnliðið vann óvæntan útisigur

Bayern vann á dögunum Arsenal í 8-liða úrslitum Meistaradeildar Evrópu og gaf það liðinu auka orku fyrir lok tímabilsins.

Leon Goretzka og Harry Kane skoruðu í fyrri hálfleiknum en Kane var að gera 33. deildarmark sitt á tímabilinu. Hann er nú átta mörkum frá meti Robert Lewandowski.

Thomas Müller skoraði tvö og Mathys Tel eitt í síðari hálfleiknum áður en Yorbe Vertessen minnkaði muninn undir lok leiks.

Bayern er í öðru sæti með 66 stig og skrefi nær því að tryggja sér Meistaradeildarsæti.

Robin Hack skoraði þrennu fyrir Borussia Mönchengladbach í grátlegu 4-3 tapi gegn Hoffenheim á meðan botnlið Darmstadt vann óvæntan 2-0 útisigur á Köln.

Köln er að vísu í næst neðsta sæti deildarinnar en sigurinn var samt sem áður sjaldgæfur fyrir Darmstadt, enda aðeins sá þriðji á tímabilinu.

Lois Openda og Benjamin Sesko skoruðu mörk Leipzig í 2-1 sigri á nýliðum Heidenheim. Leipzig er í 4. sæti með 59 stig, þremur meira en Borussia Dortmund sem á erfiðan leik gegn meistaraliði Bayer Leverkusen á morgun.

Úrslit og markaskorarar:

Union Berlin 1 - 5 Bayern
0-1 Leon Goretzka ('29 )
0-2 Harry Kane ('45 )
0-3 Thomas Muller ('53 )
0-4 Mathys Tel ('61 )
0-5 Thomas Muller ('66 )
1-5 Yorbe Vertessen ('90 )

Wolfsburg 1 - 0 Bochum
1-0 Jonas Wind ('43 )

Koln 0 - 2 Darmstadt
0-1 Christoph Klarer ('57 )
0-2 Oscar Vilhelmsson ('90 )

Hoffenheim 4 - 3 Borussia M.
1-0 Wout Weghorst ('36 )
1-1 Robin Hack ('39 )
2-1 Grischa Promel ('58 )
3-1 Ozan Kabak ('66 )
3-2 Robin Hack ('78 )
3-3 Robin Hack ('89 )
4-3 Anton Stach ('90 )

Heidenheim 1 - 2 RB Leipzig
0-1 Benjamin Sesko ('42 )
1-1 Nikola Dovedan ('69 )
1-2 Lois Openda ('85 )