Fofana þvingaði í gegn sölu frá Leicester í sumar og fékk það í gegn fyrir rest.

Hann skrifaði undir hjá Chelsea en dvöl hans þar hefur ekki gengið áfallalaust fyrir sig.

Frakkinn meiddist á hné í leik gegn AC Milan í október en þau meiðsli héldu honum frá fram að heimsmeistaramótinu í Katar.

Fofana hefur hægt og rólega verið að koma til baka og spilaði hann æfingaleik fyrir luktum dyrum í dag gegn Brentford en meiddist aftur á hné. Fofana mun fara í frekari skoðanir á morgun.

Þetta ár hefur verið hreinasta hörmung fyrir leikmanninn sem var frá stóran hluta síðasta tímabils eftir að hann fótbrotnaði á undirbúningstímabilinu með Leicester.