Ekvador er í frábærri stöðu í undankeppni Suður-Ameríkuþjóða fyrir HM 2026 eftir 2-1 sigur gegn Venesúela í kvöld.
Ekvador er í öðru sæti undandeildarinnar með 22 stig eftir 13 umferðir, einu stigi fyrir ofan Brasilíu.
Enner Valencia var hetja þjóðarinnar í dag þar sem hann skoraði mark sitthvoru megin við leikhléð til að tryggja sigur.
Valencia fékk tækifæri til að fullkomna þrennu en brenndi af vítapunktinum á 70. mínútu og minnkuðu gestirnir frá Venesúela muninn í uppbótartíma. Þeim tókst þó ekki að jafna þar sem lokatölur urðu 2-1.
Venesúela er í harðri baráttu um sjöunda sæti undandeildarinnar, sem veitir þátttökurétt í umspilsleik um sæti á HM.
Síðustu nótt sigraði Perú óvænt 3-1 gegn Bólivíu til að rífa sig úr botnsætinu. Perú er núna aðeins þremur stigum frá umspilssætinu eftirsótta, sem Bólivía situr í.
Andy Polo skoraði og lagði upp í fyrri hálfleik áður en Miguelito minnkaði muninn. Edison Flores kom svo inn af bekknum til að innsigla sigurinn á 82. mínútu.
Ekvador 2 - 1 Venesúela
1-0 Enner Valencia ('39)
2-0 Enner Valencia ('46)
2-0 Enner Valencia, misnotað víti ('70)
2-1 Jhonder Cadiz ('91)
Perú 3 - 1 Bólivía
1-0 Andy Polo ('37)
2-0 Paolo Guerrero ('45)
2-1 Miguelito ('58, víti)
3-1 Edison Flores ('82)
Athugasemdir
