Enska úrvalsdeildarfélagið Everton er búið að ganga frá kaupum á Tim Iroegbunam frá Aston Villa. Hann á aðeins eftir að standast læknisskoðun hjá félaginu.
Iroegbunam er tvítugur miðjumaður sem kemur úr röðum Aston Vila og kostar 9 milljónir punda, en Lewis Dobbin er á sama tíma sagður vera á leið í hina áttina fyrir sömu upphæð. Aston Villa ætti þá að fá Dobbin fyrir 9 milljónir.
Iroegbunam kom við sögu í 15 leikjum með Aston Villa á nýliðnu tímabili en fékk lítið af mínútum, eftir að hafa verið mikilvægur hlekkur í liði QPR í Championship deildinni tímabilið 2022-23. Hann er leikmaður U20 landsliðs Englands og á í heildina 13 leiki að baki fyrir yngri landsliðin.
Næsti leikmaður sem mun ganga til liðs við Everton er Jack Harrison, 27 ára kantmaður Leeds United.
Harrison mun koma á lánssamningi eftir að hafa varið síðustu leiktíð á láni hjá Everton.
Harrison átti þátt í sjö mörkum með beinum hætti í 35 leikjum með Everton.
Athugasemdir