Barbra í baráttunni við Aniek Nouwen í dag
Sex leikir fóru fram í dag á Ólympíuleikunum í Tókýó. Þegar var búið að greina frá úrslitum úr fyrstu þremur viðureignum dagsins.
Fyrri úrslit:
44 leikja hrinu Bandaríkjanna án ósigurs lauk gegn Svíþjóð
Fyrri úrslit:
44 leikja hrinu Bandaríkjanna án ósigurs lauk gegn Svíþjóð
Japan og Kanada gerðu 1-1 jafntefli í fjórða leik dagsins. Japan jafnaði leikinn á 84. mínútu eftir að Kanada komst yfir á sjöttu mínútu.
Holland valtaði yfir Sambíu, 10-3, í fimmta leik dagsins. Vivianne Miedema, sem er á mála hjá Arsenal, skoraði fjögur mörk fyrir Holland. Barbra Branda skoraði öll þrjú mörk Sambíu í leiknum.
Að lokum vann Ástralía 2-1 sigur gegn Nýja-Sjálandi. Nýja-Sjáland minnkaði muninn í uppbótartíma eftir að Ástralía hafði komist í 2-0 í fyrri hálfleik.
Leikið er í þremur fjögurra liða riðlum og fór öll 1. umferðin fram í dag. Tvö efstu liðin úr hverjum riðli fara áfram í 8-liða úrslit og tvö stigahæstu liðin í 3. sæti.
Athugasemdir
