KA urðu í dag Mjólkurbikarmeistarar þegar þeir lögðu Víkinga af velli á Laugardalsvellinum.
Lestu um leikinn: KA 2 - 0 Víkingur R.
„Þetta er bara geðveik tilfinning. Maður er að 'synca' þessu aðeins inn núna og þetta verður örugglega bara skemmtilegra með kvöldinu og í næstu viku." Sagði Daníel Hafsteinsson leikmaður KA eftir sigurinn í dag.
„Við gerðum þetta líka í fyrra og þá voru margir að gera þetta í fyrsta skipti og smá kannski titringur í okkur. Núna ef þú blandar saman smá reynslu og ógeðslega miklum vilja til að vinna þetta að þá ertu helvíti líklegur til að vinna þennan leik sem við gerðum. Ég er bara ógeðslega stoltur af strákunum."
Það voru ekki margir spekingarnir sem gáfu KA séns fyrir þennan leik en KA komu, sáu og sigruðu. Daníel vildi þó ekkert endilega meina að KA hefðu notað það sem einhverja hvatningu.
„Það var svo sem augljóst. Víkingur eru búnir að vera besta liðið síðustu fimm ár og auðvitað vill maður sýna þeim eitthvað að það sem þeir eru að segja [sparkspekingarnir] sé bara eitthvað bull en það er líka bara sanngjarnt. Víkingar eru búnir að vera bestir í fimm ár þannig auðvitað notuðum við það eitthvað en við vildum bara vinna þetta 'at the end of the day'."
Nánar er rætt við Daníel Hafsteinsson í spilaranum hér fyrir ofan.
