Leikurinn endaði með 2-2 jafntefli en Ross Barkley skoraði jöfnunarmark Chelsea á 96. mínútu leiksins. Anthony Martial skoraði bæði mörk United í leiknum.

„United þarf að fá meira út úr sínum fremstu mönnum. Þeir hafa hæfileikana, það er engin spurning. Ég er þá aðallega að tala um Lukaku, Sanchez, Rashford og Martial."

„Ég vil að United spili með kantmenn sína miklu utar eins og Mané og Salah gera og taka síðan hlaupin inná völlinn og innfyrir varnarlínur andstæðingana."

„Mér finnst sóknarmenn United ekki ná nægilega oft að koma sér í stöður þar sem þeir eru í marktækifæri . Ef við horfum á leikinn gegn Chelsea þá voru þessi hlaup fyrir aftan varnirnar ekki að koma frá sóknarmönnum United eins og við sjáum svo oft hjá Liverpool."

Martial kom reyndar sterkur inn í síðari hálfleikinn og gerði þessa hluti en þó of lítið af þeim. Mönnum skorti gæði með boltann."

Manchester United mætir Juventus í Meistaradeildinni á þriðjudag.