Landsliðsmaðurinn Rúnar Már Sigurjónsson var í byrjunarliði Astana þegar liðið tapaði á útivelli gegn Shakhtar Karagandy í úrvalsdeildinni í Kasakstan.
Karagandy leiddi 2-0 eftir fyrri hálfleikinn og varð staðan 3-0 eftir 70 mínútur. Heimamenn misstu mann af velli á 87. mínútu og Astana nýtti sér liðsmuninn til að minnka muninn í uppbótartímanum.
Rúnar Már var tekinn af velli þegar tæpar 70 mínútur voru liðnar af leiknum, eftir að Astana lenti 3-0 undir.
Astana er í þriðja sæti deildarinnar með 27 stig eftir 17 leiki. Liðið er 18 stigum frá toppnum, en á tvo leiki til góða á toppliðið.
Athugasemdir