Manchester United tilkynnti það í morgun að félagið muni ráða þjálfara til að taka við liðinu út tímabilið eftir að Ole Gunnar Solskjær steig frá borði.
Michael Carrick tekur tímabundið við liðinu á meðan United leitar að bráðabirgðastjóra en sá mun stýra liðinu út tímabilið.
Samkvæmt helstu miðlum á Englandi þá er ástæðan sú að þeir stjórar sem United hefur horft til eru annað hvort í öðru starfi eða hafa ekki áhuga á að taka við liðinu á miðju tímabili.
En hver er það sem á að taka við liðinu út tímabilið?
Það er rituð grein í staðarmiðilinn Manchester Evening News þar sem bent er á hinn fullkomna kost, að mati Casey Evans, sem skrifar greinina. Hann segir það vera Þjóðverjann Ralf Rangnick.
„Það sem Rangnick býður upp á er stöðugleiki núna og líka möguleikann á að byggja til framtíðar ef hann stigi upp í hlutverk yfirmanns knattspyrnumála til langtíma."
Evans telur að Carrick og Darren Fletcher, sem munu stýra liðinu í næstu leikjum, séu hluti af vandamálinu. „Rangnick gæti þjálfað liðið í grunnatriðunum, sett upp kosti fyrir sumarið hvað varðar þjálfara, og einnig bent á leikmenn fyrir United að sækja næsta sumar."
Rangnick er gríðarlega fær í því sem hann gerir. Hægt er að lesa meira um hann hérna.
Athugasemdir