Í rannsókninni komu fram ný sönnunargögn um að Tottenham hafi samið við umboðsmann sem var ekki með tilskilin leyfi þegar Jermain Defoe var keyptur til félagsins frá Portsmouth í byrjun ársins 2008.

Enska knattspyrnusambandið brást ekki við á þeim tíma, en það er talið að sambandið sé tilbúið að skoða málið frekar á þessum tímapunkti.

Slík brot hafa áður leitt til þess að félög missi stig, fari í félagaskiptabann eða þá að háttsettir einstaklingar fari í bann frá fótbolta.

Tottenham og Portsmouth hafa neitað að tjá sig um málið að svo stöddu.

Nýlega voru tekin tíu stig af Everton fyrir brot á fjármálareglum og það er spurning hvað gerist hjá Tottenham núna.