Tveimur fyrstu leikjum dagsins er lokið í efstu deild ítalska boltans, þar sem fallbaráttulið Venezia náði sér í gott stig á heimavelli gegn sterku liði Lazio.
Mikael Egill Ellertsson var í byrjunarliði Venezia og lék allan leikinn í markalausu jafntefli þar sem ríkti mikið jafnræði á vellinum. Bjarki Steinn Bjarkason var ónotaður varamaður.
Feneyingar eru aðeins komnir með 17 stig eftir 26 umferðir. Þeir eru sex stigum frá öruggu sæti í Serie A.
Parma vippaði sér þá upp úr fallsæti með 2-0 sigri gegn Bologna í fyrsta leik Christian Chivu við stjórnvölinn.
Heimamenn í Parma vörðust gríðarlega vel og nýttu færin sín gegn bitlausum gestum frá Bologna, þar sem Ange-Yoan Bonny og Simon Sohm skoruðu mörkin.
Þetta er sárt tap fyrir Bologna sem gat komist í Evrópusæti með sigri.
Kristófer Jónsson fékk að lokum að spila 40 mínútur í 1-0 sigri Triestina gegn Alcione Milano í C-deild ítalska boltans. Þetta var fjórði sigur liðsins í röð og er Triestina loksins komið úr fallsæti.
Venezia 0 - 0 Lazio
Parma 2 - 0 Bologna
1-0 Ange Bonny ('37 , víti)
2-0 Simon Sohm ('79 )
Triestina 1 - 0 Alcione Milano
Athugasemdir
