West Ham vann frábæran sigur á Arsenal í úrvalsdeildinni í dag en þetta var aðeins annar sigur liðsins undir stjórn Graham Potter sem tók við liðinu í byrjun janúar.
Potter opinberaði það að hann væri mikill aðdáandi söngkonunnar Taylor Swift á dögunum en hann mun að öllum líkindum fagna sigrinum með því að hlusta á Taylor Swift.
„Ég mun líklega fá mér vínglas," sagði Potter aðspurður á fréttamannafundi hvernig hann ætlaði að fagna. Þá var hann spurður hvort hann ætli að hlusta á Taylor Swift: „Kannski," sagði Potter og brosti.
„Stórkostleg frammistaða, öguð og einlæg. Skoruðum gott mark og fengum fleiri færi og Arsenal fékk ekki mörg færi, heilt yfir er ég í skýjunum fyrir hönd leikmanna og stuðningsmanna. Mjög stór sigur og jákvæður dagur," sagði Potter um frammistöðu liðsins í dag.
Athugasemdir
