Sameinaðir á ný!
Rúrik Gíslason er loks kominn aftur í íslenska landsliðshópinn en hann hefur ekki spilað fyrir þjóðina síðan í 2-1 sigri gegn Tékklandi á Laugardalsvelli í júní 2015.
„Það er helvíti næs (að vera mættur aftur), ég verð að segja alveg eins og er. Biðin hefur verið löng, ég hef staðið í meiðslum og litlum spilatíma í kjölfarið. Það var kannski ekki ástæða fyrir Heimi að velja mig fyrr en núna en ég er mjög glaður," sagði Rúrik við Fótbolta.net á æfingu í Parma í morgun.
Rúrik hefur verið að spila sem fremsti maður hjá liði sínu, Nurnberg í þýsku B-deildinni. Hjá landsliðinu hefur hann verið að spila kant en báðir byrjunarliðs-kantmenn Íslands, Birkir Bjarnason og Jóhann Berg Guðmundsson, eru meiddir.
„Ég vona auðvitað að ég byrji (gegn Kosóvó), ég hef alltaf borið virðingu fyrir ákvörðun þjálfarana. Sjáum hvað gerist, ég er klár ef kallið kemur."
Landsliðsfyrirliðinn Aron Einar Gunnarsson hefur endurheimt herbergisfélaga sinn til baka en hann og Rúrik hafa verið saman í herbergi í gegnum árin.
„Hann hefur verið einn allan þennan tíma sem ég var ekki. Hann var ekki síður glaður að fá mig til baka. Rúmin eru komin saman og allt klárt. Þetta er virkilega kósi, hann er notalegur," sagði Rúrik við Fótbolta.net.
Í viðtalinu hér að ofan ræðir Rúrik nánar um stöðu sína í Þýskalandi og andstæðingana í Kosóvó.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir
