Í sínu nýja starfi mun Schmadtke gegna lykilhlutverki í þeim gríðarlega mikilvæga félagaskiptaglugga sem framundan er hjá Liverpool.

Liverpool hefur verið í leit að manni í stað Julian Ward sem mun yfirgefa félagið eftir að tímabilinu lýkur.

Schmadtke var íþróttastjóri Wolfsburg í yfir fjögur ár en lét af störfum í febrúar. Hann er 59 ára og hefur gegnt svipuðum störfum fyrir Hannover og Köln en hefur ekki starfað utan Þýskalands.

Hann mun vinna náið með Jurgen Klopp, stjóra Liverpool, í leikmannamálum félagsins. Áhugavert sumar er framundan hjá Liverpool þar sem liðið er að missa af Meistaradeildarsæti og mun líklega taka þátt í Evrópudeildinni á næsta tímabili.