Óli Kristjáns í viðtali í gær.
„Ég gerði athugasemd við það," sagði Ólafur Kristjánsson, þjálfari Þróttar, er hann var spurður út í vöntun á boltasækjurum á RÚV í gær.
Það vantaði boltasækjara á stórleik Vals og Þróttar í 8-liða úrslitum Mjólkurbikars kvenna í gær.
Það vantaði boltasækjara á stórleik Vals og Þróttar í 8-liða úrslitum Mjólkurbikars kvenna í gær.
Vanalega er það undir heimaliðinu komið að manna boltasækjara á leikina en það vantaði upp á það í gær. Ólafur gerði athugasemdir við það í seinni hálfleiknum.
„Mér finnst þetta ekki sæmandi þegar við erum að spila leik í 8-liða úrslitum í bikar."
„Ég efast um að þetta hefði verið svona í leik hjá karlaliði Vals. Mér fannst þetta lélegt," sagði Ólafur.
Leikurinn endaði með 2-1 sigri Vals en Þróttur einbeitir sér núna að deildinni þar sem þær eru á toppnum.
Athugasemdir
