Grindavík komst 3-0 yfir gegn Leikni í toppslag í 1. deildinni í dag en leikar enduðu 3-2 og var mikil spenna í lokin. Jóhann Helgason, fyrirliði Grindavíkur, var hæstánægður með að þrjú stig komu í hús.
Lestu um leikinn: Grindavík 3 - 2 Leiknir R.
„Við komum mjög sterkir inn í þetta og hefðum átt að skora meira. Svo komast þeir inn í leikinn og þetta var háspenna í lokin. Þeir voru farnir að pressa á okkur," sagði Jóhann.
„Leiknir er massíft lið en við erum á svaka skriði og ég tel okkur enn eiga mikið inni."
Grindavík er á toppi deildarinnar. „Þetta er töluvert skemmtilegra en hefur verið síðustu ár," sagði Jóhann en viðtalið má sjá hér að ofan. Þar talar hann meðal annars um Juraj Grizelj sem hefur verið frábær fyrir Grindavíkurliðið.
Athugasemdir
