Sölvi snýr aftur úr banninu

Sölvi Geir Ottesen, miðvörður og fyrirliði Víkings, hefur lokið afplánun sinni á þriggja leikja banni og snýr aftur annað kvöld þegar leikið verður gegn Gróttu.

Víkingar náðu í sex stig úr þeim þremur leikjum sem liðið lék á meðan Sölvi var í banni og eru í fimmta sæti Pepsi Max-deildarinnar.

Sölvi fékk rautt í tapleik gegn KR en tveir aukaleikir bættust ofan á bannið þar sem hann sagði „Fokkaðu þér aumingi" og var ógnandi við fjórða dómarann þegar hann gekk af velli.

Hér að neðan má sjá hvaða leikir eru í áttundu umferð Pepsi Max-deildar karla.