Þróttur mætti á Extra völlinn í kvöld og mætti Fjölnismönnum í Lengjudeildinni í kvöld. Leikurinn endaði með 3-1 sigri Fjölnis og var Guðlaugur Baldursson, þjálfari Þróttara ekki ánægður með niðurstöðuna.
„Þetta er svekkjandi af því við byrjum leikinn hrikalega vel. Við erum mun sterkari aðilinn fyrsta hálftímann og sköpum okkur þá tvö mjög góð færi einn á móti markmanni en náum ekki að nýta þau. Svo fáum við á okkur mark og þá finnst mér Fjölnismenn taka leikinn yfir."
„Þetta er svekkjandi af því við byrjum leikinn hrikalega vel. Við erum mun sterkari aðilinn fyrsta hálftímann og sköpum okkur þá tvö mjög góð færi einn á móti markmanni en náum ekki að nýta þau. Svo fáum við á okkur mark og þá finnst mér Fjölnismenn taka leikinn yfir."
Lestu um leikinn: Fjölnir 3 - 1 Þróttur R.
„Því miður fannst mér að við misstum aðeins trúnna eftir að við fáum á okkur fyrsta markið. Það er ekki mikið sjálfstraust í liði sem að gengur illa og við náðum ekki alveg að berja okkur saman. Ekki fyrr en seint í leiknum þegar við erum komnir 3-0 undir og manni fleiri þá tókum við leikinn yfir aftur en þá var það of seint."
Þróttur er í 11. sæti í deildinni með 7 stig eftir 13 leiki en aðeins 2 stigum frá Selfyssingum í 10. sæti. Laugi er spurður hvað þurfi að gerast til þess að Þróttarar fari að sækja sér úrslit.
„Það er ekki eitt einfalt svar við því. Við þurfum að laga alls konar hluti. Sumt er gott hjá okkur sem við þurfum að halda áfram að gera og auðvitað þurfum við að byrja á því að loka búrinu okkar. Við þurfum að fá á okkur minna af mörkum, það gerir möguleikann mun betri á því að vinna leiki."
Viðtalið í heild sinni má finna í sjónvarpinu hér að ofan
Athugasemdir
