Heimavöllurinn hlýtur Jafnréttisverðlaun KSÍ þetta árið en þetta kemur fram í fundargerð stjórnar sambandsins sem birt var í dag.
Hulda Mýrdal og Mist Rúnarsdóttir sjá um Heimavöllinn sem er hlaðvarpsþáttur um kvennafótbolta hér á Fótbolta.net.
Þá halda þær úti vinsælli Instagram síðu og hafa verið ákaflega metnaðarfullar í að lyfta umfjöllun um fótbolta kvenna á annað plan.
„Jafnréttisverðlaun: Heimavöllurinn fyrir brautryðjendastarf á sviði umfjöllunar um knattspyrnu kvenna," segir í fundargerðinni.
Fótbolti.net óskar Huldu og Mist til hamingju með verðskulduð verðlaun.
Hulda Mýrdal og Mist Rúnarsdóttir sjá um Heimavöllinn sem er hlaðvarpsþáttur um kvennafótbolta hér á Fótbolta.net.
Þá halda þær úti vinsælli Instagram síðu og hafa verið ákaflega metnaðarfullar í að lyfta umfjöllun um fótbolta kvenna á annað plan.
„Jafnréttisverðlaun: Heimavöllurinn fyrir brautryðjendastarf á sviði umfjöllunar um knattspyrnu kvenna," segir í fundargerðinni.
Fótbolti.net óskar Huldu og Mist til hamingju með verðskulduð verðlaun.
Hér má sjá allar viðurkenningar frá KSÍ vegna starfsársins 2020:
Grasrótarverðlaun: Múrbrjótar vegna verkefnisins “Fótbolti án fordóma” og Kormákur/Hvöt vegna öflugs knattspyrnustarfs fyrir börn og fullorðna.
Fjölmiðlaverðlaun: Marc Boal vegna útgáfu á bókinni Sixty four degrees north.
Dómaraverðlaun: Knattspyrnudómarafélag Norðurlands (KDN).
Jafnréttisverðlaun: Heimavöllurinn fyrir brautryðjendastarf á sviði umfjöllunar um knattspyrnu kvenna.
Háttvísiverðlaun deilda: Drago-stytturnar eru veittar háttvísustu liðunum í tveimur efstu deildum karla. KA hlýtur Drago-styttuna fyrir árið 2020 í Pepsi Max deild karla á grundvelli háttvísimats eftirlitsmanna KSÍ, en gul og rauð spjöld vega þungt í því mati. Leiknir R. hlýtur styttuna í Lengjudeild karla á grundvelli fjölda gulra og rauðra spjalda. Breiðablik var prúðasta liðið í Pepsi Max deild kvenna síðastliðið keppnistímabil, Fjölnir var prúðasta liðið í Lengjudeild kvenna og Sindri í 2. deild kvenna. Í 2. deild karla voru ÍR-ingar með prúðasta liðið, Reynir S. í 3. deild karla og Berserkir í 4. deild karla.
Þá samþykkti stjórn KSÍ að sæma Runólf Pálsson gullmerki sambandsins vegna starfa hans fyrir knattspyrnuhreyfinguna.
Athugasemdir