Ítalía: Svekkjandi tap hjá Juventus - Fiorentina enn með

Mynd: EPA

Evrópubaráttan í ítalska boltanum er gríðarlega spennandi, líkt og titilbaráttan og fallbaráttan.

Juventus missti af frábæru tækifæri til að endurheimta fjórða sætið, sem veitir þátttökurétt í Meistaradeildina á næstu leiktíð, með 1-0 tapi gegn Parma.

Argentínumaðurinn Mateo Pellegrino tók forystuna fyrir Parma undir lok fyrri hálfleiks sem var afar bragðdaufur. Juve var sterkari aðilinn í síðari hálfleik en átti í miklum erfiðleikum með að skapa sér góð færi gegn skipulögðu liði Parma.

Juventus er einu stigi frá Meistaradeildarsæti eftir þetta tap, á meðan Parma er svo gott sem búið að bjarga sér úr fallbaráttunni. Liðið er sex stigum fyrir ofan fallsvæðið þegar fimm umferðir eru eftir.

Albert Guðmundsson var þá í byrjunarliði Fiorentina sem sigraði á útivelli gegn Cagliari.

Heimamenn tóku forystuna snemma leiks en Robin Gosens jafnaði svo staðan var jöfn eftir tíðindalítinn fyrri hálfleik. Lucas Beltrán tók forystuna fyrir Fiorentina í upphafi síðari hálfleiks og gerðu lærisveinar Raffaele Palladino vel að halda forystunni til leiksloka. Lokatölur 1-2.

Fiorentina er þremur stigum frá Evrópusæti eftir þennan sigur og fjórum stigum frá Meistaradeildarsæti. Cagliari er fimm stigum fyrir ofan fallsvæðið.

Lazio er einnig með í Meistaradeildarbaráttunni, jafnt Juventus á stigum, eftir sigur á útivelli gegn Genoa. Taty Castellanos og Boulaye Día skoruðu mörkin gegn tíu leikmönnum Genoa sem misstu mann af velli með rautt spjald snemma leiks. Genoa siglir lygnan sjó í neðri hluta deildarinnar.

Að lokum hafði Torino betur gegn Udinese í þýðingarlitlum leik milli tveggja liða um miðja deild. Che Adams og Ali Dembélé skoruðu mörk Torino gegn Udinese sem er búið að tapa fimm leikjum í röð í deildinni.

Cagliari 1 - 2 Fiorentina
1-0 Roberto Piccoli ('7 )
1-1 Robin Gosens ('36 )
1-2 Lucas Beltran ('48 )

Genoa 0 - 2 Lazio
0-1 Valentin Castellanos ('32 )
0-2 Boulaye Dia ('65 )
Rautt spjald: ,Sebastian Otoa, Genoa ('22)
Rautt spjald: Reda Belahyane, Lazio ('72)

Parma 1 - 0 Juventus
1-0 Mateo Pellegrino ('45 )

Torino 2 - 0 Udinese
1-0 Che Adams ('39 )
2-0 Ali Dembele ('85 )

Mynd: EPA

Stöðutafla

#	Lið	L	mun	Stig
1	Juventus	2	+5	6
1	Inter	1	+3	3
2	Inter	2	+5	6
2	Napoli	1	+2	3
3	Cagliari	1	+1	3
3	Bologna	2	+1	4
4	Milan	1	+3	3
4	Udinese	1	0	1
5	Como	1	0	1
5	Napoli	1	+2	3
6	Chievo	1	+1	3
6	Lecce	0	0	0
7	Bologna	0	0	0
7	Sampdoria	1	+1	3
8	Frosinone	0	0	0
8	Roma	2	-1	3
9	Sassuolo	0	0	0
9	Torino	1	0	1
10	Venezia	0	0	0
10	Lazio	1	0	1
11	Sassuolo	1	0	1
11	Roma	0	0	0
12	Juventus	0	0	0
12	Spal	1	0	1
13	Genoa	2	-2	1
13	Fiorentina	0	0	0
14	Udinese	1	-1	0
14	Milan	0	0	0
15	Atalanta	1	-1	0
15	Atalanta	0	0	0
16	Benevento	2	-2	0
16	Lazio	0	0	0
17	Verona	1	-2	0
17	Torino	0	0	0
18	Cagliari	1	-3	0
18	Parma	1	-1	0
18	Cremonese	38	-25	34
19	Genoa	1	-2	0
19	Verona	38	-36	21
19	Crotone	1	-3	0
20	Pisa	38	-45	18
20	Monza	1	-3	0
20	Fiorentina	1	-3	0