Belgíski markvörðurinn Nicky Evrard var stórkostleg á Evrópumótinu á Englandi en síðasti leikur hennar á mótinu var í 1-0 tapinu gegn Svíþjóð í gær; þar sem hún var valin maður leiksins.
Evrard er 27 ára gömul og samdi nýverið við Leuven í Belgíu en þar áður spilaði hún fyrir Gent, Sporting Huelva og Twente.
Fyrsti leikur hennar á stórmóti kom gegn Íslandi í fyrsta leik D-riðils en þar varði hún vítaspyrnu Berglindar Bjargar Þorvaldsdóttur og átti afar góðan leik í marki liðsins og átti stóran þátt í að tryggja liðinu stig.
Hún varði aðra vítaspyrnu sína í mótinu í 2-1 tapinu gegn Belgíu og kom í veg fyrir að tapið væri töluvert stærra. Þá átti hún annan stórleikinn í 1-0 sigrinum á Ítalíu, sem tryggði Belgum í 8-liða úrslitin.
Svíar voru með stórskotahríð að marki Belgíu í 8-liða úrslitunum í gær en skoruðu aðeins eitt mark, sem kom í uppbótartíma síðari hálfleiks. Samkvæmt opinberum tölum varði hún 7 skot í leiknum og hefur nú enginn markvörður varið fleiri skot en hún á Evrópumótinu.
Evrard hefur nú varið 21 skot í mótinu og er hún sú eina sem hefur varið fleiri skot en Sandra Sigurðardóttir á mótinu.
Hún var verðlaunuð fyrir frammistöðuna í gær en eftir leik hlaut hún nafnbótina besti maður leiksins og getur hún því verið afar sátt með eigin frammistöðu.
A truly 𝗚𝗥𝗘𝗔𝗧 goalkeeping display from @Visa #WEUROPOTM @NickyEvrard 👏#WEURO2022 pic.twitter.com/s2rWhh1sjd
— UEFA Women's EURO 2022 (@WEURO2022) July 22, 2022
Athugasemdir