Erling Haaland.
Erling Haaland, sóknarmaður Manchester City, mun ekki fá refsingu fyrir að hafa kastað bolta í hausinn á Gabriel, varnarmanni Arsenal, í stórleik liðanna í gær.
Eftir að Man City jafnaði metin í blálokin, þá var Haaland fljótur að ná í boltann. Hann hljóp hins vegar ekki með hann að miðju, heldur kastaði hann honum beint í hausinnn á Gabriel.
Eins og við var að búast hrinti þetta atvik af stað stympingum en svo var leiknum haldið áfram.
Enska fótboltasambandið getur ekki tekið á þessu atviki þar sem það var skoðað af VAR-dómaranum, John Brooks, eftir að það gerðist. Hann ákvað að gera ekkert í því og þess vegna getur enska fótboltasambandið ekkert aðhafst í því.
Brooks fannst Haaland ekki sýna ofbeldisfulla hegðun og því fékk hann ekki rautt spjald.
Athugasemdir
